स्वास्थका दृष्टिकोणले फाइदाजनक, आर्थिक रुपमा लाभ लिन सकिने फुटकी च्याउबारे जानौ:- फुटकी च्याउ पानी परेपछि भुइँमा फल्ने यो एक प्रकारको खान योग्य च्याउ प्रजाति हो ।

फुटकी च्याउ जुन विषालु हुदैन, कसैले काचो पनि मीठो मानी मानी खान्छ्न । फुटकीको तरकारी असाध्यै मिठो र पोषिलो मानिन्छ । फुटकीको तरकारी स्वादिष्ट हुने गरेकाले जो कोही पनि यसको तरकारी खानका लागि लालायित हुने गरेको छन। जङ्गलमा पाइने अर्गानिक तरकारी रहेकाले फुट्की महँगोमा खरिद बिक्री हुने गर्दछ । विभिन्न जङ्गलबाट फुटकी खोजेर ल्याएर अत्तरिया, धनगढी लगायत कैलाली कञ्चनपुर र डोटी जिल्लाका विभिन्न स्थानीय बजारमा यस्को व्यावसायिक बिक्रीवितरण गरेको पाइन्छ । यसलाई सुरुमा प्रति किलो प्रतिकिलो ३०० देखि १००० रुपियाँ  सम्म खरिद बिक्री गरेको देखिन्छ।धेरै मिहिनेत गरेर खोज्नु पर्ने र मिठो पनि हुनाले फुट्की खरिद बिक्री  महँगो  हुनजान्छ । फुटकी स्थानीय नाम हो । यसलाई विभिन्न क्षेत्रमा पटपुर्रा, पटके च्याउ भनेर पनि चिन्ने गरिएको छ । फुट्की ‘फङ्गस’ बाट उत्पादन हुने च्याउ प्रजाति रहेको वनविज्ञ बताउन्छ्न । वातावरण अनुकूल पाएपछि ‘स्पोर’ बाट यो च्याउ प्रजाति प्राकृतिक रुपमा उत्पादन हुने र सालको जङ्गलमा बढी पाइने गरेको बिज्ञको भनाइ छ ‘यसमा प्रोटिनको मात्रा बढी हुन्छ’, बिज्ञका अनुसार प्राकृतिक रुपमा पाइने यो च्याउ आयआर्जनको राम्रो माध्यम बन्न सक्छ ।’